+16 °С
Облачно
Авыл хуҗалыгы
6 Августа , 10:59
Яратып эшләгән хезмәткә ни җитә
Иске Тазлар авылы янындагы электр көтүчесендә үлән уртлаган симменталь токымлы маллар безне үзенә җәлеп итте. Бу көтүлек ит юнәлеше буенча крестьян-фермер хуҗалыгы төзеп, үз эшен ачып җибәргән шушы авыл егете Алмаз Әгъләмовныкы икән. Алмаз – бәләкәйдән инде әти-әнисе янында бик күп эшкә өйрәнеп үскән егет. Әгъләмовлар – шәхси хуҗалыкларында күпләп савым сыерлары, атлар асрап дөнья көткән гаилә. Алмаз үзе атлар яратса да, фермер хуҗалыгын эре мөгезле терлек үрчетү өчен ача.
Яратып эшләгән хезмәткә ни җитә
– Атлар – минем хобби инде. Тәүдә ат фермасы ачарга уйлаган идем, тормыш иптәшем белән киңәшләшкәч, эре мөгезле терлек үрчетергә булдык. Алдагысын кем белә инде. Планнарыбыз күп. Эшләребез, Аллаһка шөкер, ырамлы бара. 300 рулоннан артык печән кысылып куелды. Тагын җыеп аласы бар. Иген басуларыбызга да чыгар вакыт җитеп ята. Уңыш 1,5 еллык запас белән тупланыр дигән ышанычтабыз. Терлекчелектә шунсыз булмый. Комбайннар әзерлек сызыгында, – дип сөйләде Алмаз Әлфит улы үзенең хуҗалык эшләре турында.
Моннан берничә ел элек махсус программа нигезендә 25 баш симменталь токымлы башмаклар алып кайткан яшь фермерның бүгенге көндә хуҗалыгында эшләре уңышлы баруы әллә каян күренеп тора. Мал азыгы хәзерләү кампа-ниясендә эшенең кайнап торуын һәм дә инде шушы эшләр беррәттән симертүгә асралган үгезләр өчен утар төзеп ятулары турында да хәбәрдар итте хуҗалык башлыгы Алмаз.
Бүген авыл җирендә үзеңне эшле итү, хезмәтеңне җәелдерү өчен яңадан-яңа мөмкинлекләр тудырылып тора. Шуңа күрә бу форсаттан файдаланып калырга кирәк.
