Тырышлык – эш нигезе

Филиалның орлыкчылык һәм үсемлекләрне яклау өлкәсендәге эшчәнлеге районның агросәнәгать комплексын үстерүдә бәяләп бетергесез роль уйный. Белгечләр авыл хуҗалыгы культураларының чәчелүен тикшереп тора һәм, кирәк булса, саранча кебек аеруча куркыныч корткычларның таралу чыганагын томалый. Бу исә чәчүлекләрне хәвеф-хәтәрдән сакларга ярдәм итә. Шулай ук орлыкларны агулауга аерым игътибар бирелә. Вакытында кулланылган мондый ысул үсентеләрнең авыруларыннан котылырга һәм тамыр черемәләренең зарарлылыгын киметергә ярдәм итә. Яхшы продукция алу өчен югары һәм сыйфатлы орлыклардан файдалану мөһим. Ел саен 70 процентка кадәр орлык материалы агулана.
Районда авыл хуҗалыгы товар җитештерүчеләре тарафыннан бөртекле культураларның элиталы орлыкларын сатып алуга актив ярдәм күрсәтелә. Сорт сыйфатларын билгеләү өчен филиал белгечләре ел саен биш мең гектарга якын чәчүлек җирләрен тикшерәләр. Цифрлаштыру һәм мәгълүмати ярдәм филиал аналитик һәм статистик мәгълүматны визуализацияләү өчен “АгроЭксперт” системасы, шулай ук “Семеноводство” орлыкчылык өлкәсендә мәгълүмат системасы кебек заманча санлы карарларны актив кертә. Район авыл хуҗалыгы идарәлегенең һәм “Россельхозүзәк”нең Борай районы буенча бүлеге эшчәнлеге турында кызыклы мәкаләләр, орлыкларның һәм товарлыклы ашлыкның сыйфаты турында оператив мәгълүматлар, шулай ук, зарарлы объектлар турында мәгълүматны да кертеп, фитосанитар мониторингы нәтиҗәләрен бастырып чыгара. Шулай ук филиал район авыл хуҗалыгы җитештерүчеләре ихтыяҗларына җавап бирә торган хезмәтләр спектрын киңәйтергә һәм югары уңышка ирешүгә үз өлешен кертергә омтыла.
Дәүләт хезмәтләре күрсәтүдә югары күрсәткечләргә ирешкәне өчен бүлек эшчәнлеге берничә тапкыр “Россельхозүзәк”нең РБ филиалы Дипломы һәм Рәхмәт хатлары белән бүләкләнгән. 2025 елдан башлап бүлек орлыкларга, аларның чәчүлек сыйфатына анализ ясау, сынаулар үткәрү, үсемлекләрне яклау, орлыкларга фитоэкспертиза үткәрү эшләре белән шөгыльләнә.
2023 елдан башлап филиал үсемлекләрне һәм ашламаларны яклау чаралары нәтиҗәсендә агу канистрлары җыю һәм утильләштерү буенча консультация эшен актив алып бара. Әлеге хезмәттә эшен яратып башкарган, сабыр һәм чыдам хезмәткәрләр намуслы эшлиләр. Бар гомерен шушы хезмәткә багышлаган баш агроном Әлфия Хәбибуллина инспекция органы җитәкчесе Гөлшат Маннанова белән кулга-кул тотынышып эшли. Алар иртәдән кичкә кадәр авыл хуҗалыгы продукциясе җитештерүчеләрнең иген басуларын тикшерә. Аларның хезмәте нигезендә районда сыйфатлы, мул уңыш алына. Басуларга зыян салучы бөҗәкләргә, зыян китерүче чүп үләннәренә дә каршы көрәш эшләре аларның инициативасы белән башкарыла.
Авыл хуҗалыгы җитештерүчеләренә еш кына климат шартларының кискен үзгәрүләре белән очрашырга туры килә. Вакытында урып-җыюны таләп итә торган көзге культуралар еш кына коеп яуган яңгырлар астында кала, бу исә орлык материалына тискәре йогынты ясый.