Бозаулары көр һəм сəламəт

Хезмəтчəннəрнең төп өлеше – əлеге һөнəрнең бөтен нечкəлеклəрен яхшы белгəн Гөлчəчəк Рəхимова, Гөлнар Хəтмуллина. Гөлчəчəк Рəхимова биредə дистə елдан артык эшли. Ул бозаулар сəламəт булып үссеннəр өчен аларны ничек ашату, эчерү, тəрбиялəү хакында яхшы белə. Тəҗрибəсе, белеме һəм терлекчелек тармагында алган күнекмəлəре, хезмəткə мөнəсəбəте аңа яхшы нəтиҗəлəргə ирешү мөмкинлеге бирə.

– Бозаулар – сабый балалар кебек. Алар сыйпаганны яратып торалар. Кулга бик тиз иялəшəлəр, күрсəлəр, ерактан ук йөгереп килəлəр. Күз алдында көр булып үсүлəрен күреп сөенəсең, əлбəттə. Авырып китсəлəр, ветеринарга мөрəҗəгать итəбез һəм шунда ук дəвалау процедураларын куллана башлыйбыз, – дип фикерлəре белəн бүлеште Гөлнар Хəтмуллина.
– Яшь үрчем тəрбиялəү өчен иң əһəмиятлесе – урыннары коры һəм чиста булуы мөһим. Торакта уңай микроклимат тудыру белəн беррəттəн, бозауларны үтəли җилдəн саклау да зур роль уйный. Сəламəт терлек үстерүдə ветеринария-санитария талəплəрен төгəл үтəүне əһəмияте гаять зур. Йогышлы авыруларга каршы профилактика үткəрү максатынна терлеклəргə мал табиблары тарафыннан тиешле прививкаларясала. Яшь терлектəн мул сөтняхшы сыер əзерли алу-алмавыбыз үзебездəн тора. Безнең хуҗалыкның мал асрау абзарларында бу эшлəр кичекмəстəн эшлəнеп килə. Шуңа күрə бозауларыбыз сəламəт булып үсə– дип сөйлəде хуҗалыкның малчылык буенча директор урынбасары Айдар Рəхимов.