Йорт хайваннары да кешегә зыян китерергә мөмкин

– Хайваннарны вакцинацияләү, яки этләргә һәм мәчеләргә прививка ясату, йогышлы авыруларга каршы көрәшнең иң нәтиҗәле ысулларының берсе булып тора. Йорт хайваннары, кеше сәламәтлеге һәм гомере өчен күп кенә куркыныч авыруларның таралуын контрольдә тотарга ярдәм итә. Профилактик прививкалар – хайваннарның сәламәтлеге генә түгел, ә шулай ук аның хуҗаларының хәвефсезлеге дә икәнен онытырга кирәкми. Үзегезнең йорт хайваннарына прививка ясатып, сез еш кына үлемгә китерә торган йогышлы авыру куркынычын сизелерлек киметәсез. Прививкадан соң сезнең хайван авыруның җитди катлаулануларына азрак бирешәчәк. Хәтта инфекция эләксә дә килеп чыкса да, мөгаен, авыру җиңел формада узачак.
– Вакцинация нәрсә соң ул? Аны эшләү мотлакмы?  
– Вакцинация – организмга конкрет йогышлы авырудан иммунитет булдырырга ярдәм итә торган махсус препарат кертү. Вакцинада көчсезләнгән микроорганизмнар – нинди дә булса авыру кузгаткычлар бар, алар организмга эләккәндә аның саклану механизмнарын әлеге авыруга антитәнчекләр эшләп чыгаруга стимуллаштыралар. Шулай итеп, организм инфекция белән  “таныша”, иммун системасы аны истә калдыра, ә эшләп чыгарылган антитәнчекләр кабат инфекция вакытында авыруны булдырмый кала. Сезнең хайваннарыгызның йогышлы авыруларга каршы иммунитеты дөрес һәм нәтиҗәле формалашсын өчен вакцинация графигын үтәргә кирәк.
– Бу процедура йорт хайваннарына ничек тәэсир итә һәм ничек аларны моңа әзерләргә? Бәлки махсус ысулы бардыр? 
– Вакцинация клиник яктан сәламәт хайваннарга гына ясала. Җиде-ун көн эчендә хайванны гельминтлардан, борчалардан хайван авырлыгына карап эшкәртәләр. Әгәр хайван даими рәвештә паразитлардан өч ай саен эшкәртелсә, эшкәртүне үткәрмәскә  дә мөмкин.
– Йорт хайваннары тоткан кешеләр бу эшкә нинди карашта?
– Гомумән алганда, халык бу күренешкә илке-салкы гына карый. Эт, мәче асраган хуҗаларның бик азы гына даими вакцинация эшләтеп торалар. Бу процедура бушка эшләнә һәм шуңа битараф булмауларын телибез. Чакырсалар, хәтта барып та вакцинация эшләү мөмкинлегебез дә бар. Вакцинация ясау мәсьәләсенә белгечләр генә түгел, авыл халкы да җаваплы карасын иде.
– Әгәр дә вакцинация эшләт-мәсәләр, ә йорт хайваннары авырган очракта кая мөрәҗәгать итеп була?
– Йорт хайваннарына вакцинация ясатырга кирәк. Авыру эләксә, соң булырга мөмкин. Хайваннарда аны дәвалап булмый. Кеше организмына чир эләккәнче тиз арада район ветеринария станциясенә мөрәҗәгать итәргә кирәк.