«Киләчәк командасы» форумында – безнекеләр

Программа үз эченә панель дискуссияләрне һәм үз-үзеңне тормышка ашыру инструментларын ачу буенча осталык дәресләрен, шулай ук авыл территорияләрен үстерү өчен стартап-проектлар эшләү буенча практик сессияләрне алган иде. Форумда хакимият һәм бизнес вәкилләре чыгыш ясады, алар тәҗрибәләре белән уртаклаштылар һәм яшь белгечләргә киңәшләр бирделәр. Чара кысаларында яшь аграрийлар Башкортстан Башлыгы Радий Хәбиров һәм Башкортстан Республикасы вице-премьеры – авыл хуҗалыгы министры Илшат Фазрахманов белән аралашты.
Башкортстан Башлыгы республикада авыл хуҗалыгын үстерү өчен төп бурычларның берсе дип инвестицияләр җәлеп итүне атады.
– Шуны аңларга кирәк, бу өлкә һәрвакыт чыгымлы булачак, – дип билгеләде төбәк җитәкчесе. – Ярдәмнең күп төрләре бар, шуларның берсе – Федераль грантлар һәм субсидияләр. 2025 елга Башкортстан буенча алар 5 млрд сумга якын тәшкил итә, өстәвенә ташламалы банк продуктлары. Эш башлаучы фермерлар өчен “Агростартап” гранты, ә гаилә бизнесын үстерергә теләүчеләр өчен “Гаилә фермалары” гранты каралган. Шуңа күрә сез аңларга тиеш, принципта дәүләт ярдәме чараларының шактый алга киткән системасы бар. Без авылга бик сак карарга тырышабыз.
Форумда Борай фермерлары да актив катнашты. “Зарипов” крестьян-фермер хуҗалыгы җитәкчесе Рәмил Әхләф улы бизнес булдыру һәм алып бару тәҗрибәсе белән уртаклашты. Менә дистә еллар буена хәләл продукция җитештерүче “Борай фермеры” форумда үзенең эшчәнлеге белән таныштырды. Бүгенге көндә аларның цехында 40тан артык төр ит продукциясе җитештерелә, продукция кулдан формалаштырыла һәм үз кибетләре челтәре аша сатыла. Шулай ук “Шакирова” крестьян-фермер хуҗалыгы башлыгы Русалина Шакирова да форум эшендә катнашты. Русалина Руслан кызы – балыкчылык белән шөгыльләнүче фермер. Агымдагы елда агротуризм буенча эшен башлап җибәрәчәк. Бу эшкә ул грант отты.

Фото: Рәмил Зарипов.