Уҗымнар – контрольдә

Бу ысул көзге культураларның кышкы һәм иртә язгы чорда яшәү сәләтен алдан билгеләү өчен кулланыла. Район хуҗалыкларында 2025 ел уңышы өчен 4,1 мең гектар мәйданда көзге бөртекле культуралар һәм 2,1 мең гектарда көзге рапс, шепкән, вика кебек көзге культуралар чәчелгән. Сентябрьнең өченче декадасында иртә җыеп алынган культуралар яки пар җиренә чәчелгән уҗымнар сентябрь ахырында яхшы шытып кышларга киткән иде. Гомумән, мондый басуларда уҗым бөртеклеләре үсеп чыгып, кышка тулысынча яхшы торышта керде. Гыйнварның беренче ункөнлегендә 17,3 мм кар һәм яңгыр яуган. Һаваның минималь температурасы 22 гыйнварда билгеләнде, ул -20 градусны тәшкил итте. Максималь температура 5 гыйнварда билгеләнде ул +1,6 градус күрсәтте. Көзге культураларны чәчә башлаганда (августның өченче декадасы-сентябрьнең беренче декадасы) метеорологик шартлар югары дымлылык белән характерланды. 2025 елның 24нче гыйнварына төбәк буенча кар капламының биеклеге 50 сантиметрга кадәр җитте. Көзге бөртекле культуралары кар капламы астында калды. Куаклану төененең тирәнлегендә туфракның температурасы 0,5 дән минус 0,4°C ка кадәр булган. "Россельхозүзәк" нең Борай районы филиалы белгечләре билгеләп үткәнчә, көзге культуралар 6,2 мең гектар мәйданда яхшы хәлдә (62,8 %), канәгатьләнерлек хәлдә (37,2 %). Гомумән алганда, чәчүлекләрнең торышы яхшы дип бәяләнә. Көзге культураларның киләчәк торышы февраль ае һава шартларына бәйле булачак. Чәчүлекләрне карау һәм аларның кышкы чорда үсүен фаразлау буенча оператив карарлар кабул итү өчен туфракның температурасы, кар катламының биеклеге, тыгызлыгы, боз кабыгы булу-булмавына мониторинг ясарга кирәк. Эш дәвам итә.
Гөлшат Маннанова,
әйдәп баручы агроном.