+24 °С
Яңгыр
Авыл хуҗалыгы
1 гыйнвар 2024, 06:05
Айсылуның сыерлары
Моннан ике ел элек Дүсмәт авылында “Фәхретдинова” крестьян-фермер хуҗалыгы булып үз эшен башлаган Айсылу Исмәгыйль кызы Фәхретдинова да бүгенге көндә терлекчелек тармагын уңышлы алып бара. Фермер булу ул бик авыр һәм мәшәкатьле булса да, Айсылу тормыш иптәше Илнур белән көн-төн биредә эшлиләр. Яшьли малчылык тармагында үзләрен сынаган Фәхретдиновлар 30 баш симменталь токымлы башмаклар алып кайтып, бер дигән эшләп яталар. Хуҗалык икенче генә ел терлекчелек тармагы белән шөгыльләнсә дә, бар да үз урынында, маллары да көр. Акрын гына булса да төзекләндерү эшләре дә башкарыла, терлекчеләргә кереп ял итү өчен уңйлыклар булдырылган. Әлеге вакытта фермер мал башы санын арттыру, ит җитештерү һәм киләчәктә сөт продукциясен реализацияләүне күзаллап эшли.
Айсылуның сыерлары
Электән техник базасы нык булган Фәхретдиновларның бар эшләре дә ырамлы бара. Мал азыгы да җитәрлек күләмдә әзерләнеп, ферма янына кайтарылып куелган. Фермерлык белән шөгыльләнүчеләр – районның тоткасы дисәм, ялгыш булмас. Таркалып, бушап калган авыл фермаларын төзекләндереп, яңаларын төзеп, терлек асраучы фермерлар гади эшмәкәрләр генә түгел, авыл тормышына яңа сулыш, эш бирүчеләр дә әле. Әлбәттә, фермер булу, үз хуҗалыгыңны тоту – авыр, тынгысыз һәм чыгымлы хезмәт. Шулай да, тырышып, күптөрле авырлыкларны хәл итә-итә эшләүчеләргә сокланмый мөмкин түгел. Крестьян-фермер хуҗалыкларында җитештергән сыйфатлы авыл хуҗалыгы продукциясен авыл, район халкы гына түгел, шәһәрдә яшәүчеләр дә яратып, көтеп алалар. Фермерларның ярдәме белән авыл хуҗалыгы тармагы үсеп китәр, ныгыр дияргә нигез бар.
