+30 °С
Болытлы
Авыл хуҗалыгы
6 декабрь 2023, 09:55
Төзекләндерү эшләре дәвам итә
Кышлату чоры район хуҗалыкларында үз темпында бара. Малчылык тармакларында сыерлар бозаулый, сөт җитештерелә, бозаулар үстерелә һәм кайбер крестьян-фермер хуҗалыкларында төзекләндерү эшләре дә янәш бара. “Хәмитҗанова” крестьян-фермер хуҗалыгында 62 баш мал асрала, шуның 30 башы савым сыерлары. Менә хәзер озакламый сыерларның күбесе бозаулый башлый, шуның белән хуҗалыкта тагын да терлек башы артачак.
Төзекләндерү эшләре дәвам итә
– Әлегә сыерларның күбесе ташлатты. Тәүлегенә 200 литрлап кына сөт савып алабыз. Җитештерелгән продукция район үзәгендәге кибетләрдә сатыла. Үзебезнең сатып алучыларыбыз бар. Минем иртән сөт китергәнемне көтеп алалар, – ди хуҗалык җитәкчесе Ләйсән Хәмитҗанова.
Биредә машина белән сыер саву операторы Флүзә Бәдертдинова үз эшенең остасы. Малларны яратканга үзе шушы һөнәрне сайлаган. “Сыерлар янына килеп китү минем өчен ял итүгә тиң” , – ди ул.
Әлеге вакытта биредә мал башын арттыруны күз уңында тотып, абзарларны зурайту һәм гараж төзекләндерү кебек эшләр башкарып яталар.
