+30 °С
Болытлы
Авыл хуҗалыгы
7 апрель 2023, 07:15
Районда язгы кыр эшләре башланды.
Хуҗалыклар уҗымнарны тукландыруга, дым каплатуга, күпьеллык үләннәрне тырматуга тотынды. “Гайфутдинова” крестьян-фермер хуҗалыгы механизаторлары да Иске Бикмәт авылы янындагы басуга чыкты.
Районда язгы кыр эшләре башланды.
Эшне хуҗалык базасы янындагы басудан башлаганнар. Биредә тракторчы Данис Сәфәров дым каплатада.
– “Туман” сиптерү агрегаты ярдәмендә бер гектарга 150 килограмм исәбеннән ашлама кертәбез. Көннәр матур торса, 1-2 көндә эшне тәмамларга исәплибез, – диде әлеге хуҗалык идарәчесе Рөстәм Шаһиәхмәтов.
Ашлама сиптерүдә махсус сиптергечтә Рөстәм Зиннуров эшли. К-700 тракторы белән Илмир Гыйлемҗанов ашлама чыгара.
–Быелгы кыр эшләре иртәрәк башланды. Һава тормышы әйбәт булып, чәчүне дә вакытында тәмамларга язсын, – ди алар.
