Язгы чәчүгә әзерләнәбез

Шулай ук хуҗалыкларның техник базасы да яңа техника һәм агрегатлар белән тулыландырыла. “Арсланов” крестьян-фермер хуҗалыгында да язгы чәчүгә әзерлек эшләре тулы көченә бара. Күптән түгел генә хуҗалыкның Миңле авылындагы техника паркына яңа чәчкечләр кайтарылган.
– Әзерләнәбез инде. Техниканы, агрегатларны, тырма, культиваторларны, чәчкечләрне җыйныйбыз. Ашламалар алыначак, орлыклар да сөйләшелгән. Сатып алып кына кайтасы бар. Үлән җирләрен тырмалап, анда да ашлама кертергә кирәк. Авыл хуҗалыгында зур эшләр башлана инде, “каникулга ай ярым гына калды” дип йөрим менә. Чыгасың, эшлисең инде, кирәк бит. Ходай саулыктан аермасын дип телибез, – ди хуҗалык җитәкчесе Рафаэль Арсланов.