Эшеннән һәрвакыт канәгать

Әлеге гаилә 400 гектар мәйданда төрле культура һәм 100 гектарда печән үстерә. Ирле-хатынлы Лариса белән Динарик басучылык һәм малчылык юнәлеше буенча эш алып баралар. 

– Басучылык һәм малчылык  тармагын янәшә алып барганда гына хуҗалыкта зур табыш алып була. Шуңа күрә куәтле, яңа техника да аз кирәкми. Әле генә яңа ашлык чистарту һәм җилгәрү машинасы алдык, – ди уңган фермер киләчәк планнары белән уртаклашып.