Ярминкә белән котлау чыгышында район хакимияте башлыгы урынбасары Марат Ахунов, кыш айларының нинди авырлыклар тудыруына карамастан, һәр җаваплы оешма, предприятие хезмәтчәннәренең үз иңнәренә төшкән бурычны намуслы башкаруын билгеләде. Бертөрле өзеклеккә юл куймаган хезмәт коллективларына рәхмәт әйтте, эшләрендә уңышлар теләде. Авыл кешеләре, игенчеләр, механизаторлар алдында зур сынау торуын билгеләде, язгы кыр эшләрен уңышлы башкарып чыгуларын теләде. Аннары ул төрле өлкәдә зур үрләр яулап, уңышларга ирешүчеләргә төрле дәрәҗәдәге Мактау грамоталарын тапшырды.
Бу көнне сәхнә түрендә урын алган район мәдәният йорты хезмәткәрләре, җыр осталарының чагу чыгышлары бер минутка да тынып тормады. Мәйдан уртасында төрле спорт уеннарында олысы да, кечесе дә көч сынашты.