Яшь фермер Булат

Районның яшь фермеры, шәхси эшкуар Булат Габдуллин «Агростартап» программасы буенча районда симменталь токымлы эре терлек үрчетү фермасын алга таба үстерү өчен маллар сатып алды. Шулай ук шушы программа нигезендә Беларусь тракторы да булдырылды. Шулай итеп, яшь фермерның техника паркы әлеге трактор белән тулыландырылды. Моңарчы әнисе исемендәге хуҗалыкта эшләгән Булат бүгенге көндә үз хуҗалыгын булдырып, алга таба атлый. Киләчәктә мал башын арттырып, күбрәк табыш алу нияте белән янып эшли ул. Булатка абыйсы да ныклы терәк. Алар бер-берсенә таянып, ярдәмләшеп, бер эштән дә чирканмыйча эшлиләр. Биредә күпчелек эшләр автоматлаштырылган, махсус агрегатлар ярдәмендә эшләнелә.