+24 °С
Яңгыр
Авыл хуҗалыгы
25 октябрь 2021, 11:20
Басуларны ашлау туктамый
Элек-электән әби-бабаларыбыз, җирне кул белән эшкәртеп, тирес кертеп, көл сибеп аны ашлап яшәгәннәр. Замана алга барган саен, җирнең составын, уңдырышлылыгын тикшереп торучы махсус оешмаларда, иген уңышын арттырырга ярдәм итүче төрледән-төрле ашламалар да барлыкка килде. Шулай булса да, “Победа” авыл хуҗалыгы предприятиесе хезмәтчәннәре борынгы ысулны кулланып, ферма янындагы тиресләрне төяп, алдагы елда көзге арыш утырту өчен басуга ташыйлар.
Басуларны ашлау туктамый
– Әлеге ашлама бер гектар пар җиренә 80-90 тонна исәбеннән кертелә. Тирес өеме янында алты агрегат эшли. Егетләр көненә 20 рейстан да калмыйлар. Экскаватор прицеплы тракторларга төягән тиресне басуга ташып торуда механизаторлар Ринат Гыймранов, Георгий Баюршин, Илнар Насибуллин, Артем Шакирҗанов, Олег Гайдуллиннар көч сала. Көннәр көйсезләнеп торгач, тирес чокыры янына тракторлар бик зур авырлык белән үтә. Шуңа күрә эшкә тоткарлык булмасын өчен ДТ тракторын да эшкә җиктек. Бу корыч атны йөгәнләүче механизатор Бранислав Валешин тәгәрмәчле тракторларга юл салып, колеяларын тигезләп тора, – ди хуҗалык мөдире Даниф Нигъмәтҗанов.
