Халыкара өлкәннәр көне уңаеннан бәйрәм оештырылды

 Бәйрәмгә килүчеләрне  район хакимияте башлыгының беренче урынбасары Гемир Нуртдинов сәламләде. Ул район җитәкчелеге һәм шәхсән үз исеменнән өлкән яшьтәге кешеләрне бәйрәм белән котлады һәм аларга сәламәтлек, бәхет һәм иминлек теләде.

-Өлкәннәр көне, чынлыкта - ул зирәкләр, тормыш сөючәннәр һәм мәрхәмәтле кешеләр көне. Үз хезмәтегез белән сез илебез, район үсешенә зур өлеш керттегез. Сез һәрвакыт алга этәрүче локомотив. Барысы өчен дә рәхмәт! - диде Гемир Хаҗетдин улы.  

Тамаша залында бәйрәм һәм шатлык атмосферасы хөкем сөрде. Районның талантлы башкаручылары күңел җылысы белән сугарылган номерларын бүләк иттеләр.