+21 °С
Болытлы
Җәмгыять
9 сентябрь 2025, 09:02
Игенчелек хезмәте шахмат уены кебек: я отасың, я отыласың
Даутлар авылындагы “Шакиров” крестьян-фермер хуҗа-лыгында басу-кыр эшләре кызу бара. Бүгенге көндә механизаторлар 27 гектар мәйданда үскән арпаны сугу эше белән мәшгульләр. Моңарчы бу җир ташландык булган. Хуҗалык башлыгы Флорис Риф улы аны чистартып, чәчүлек мәйданына әйләндерә. Һәм бүгенге көндә шушы уңдырышлы җирдән мул уңыш ала.
Игенчелек хезмәте шахмат уены кебек: я отасың, я отыласың
– Ярый әле шушы җирне чәчүлеккә әйләндергәнмен.Төшем яхшы. Ел саен биредә төрле бөртекле культура чәчеп карыйм. Барысы да мул уңыш бирә. Шушы көннәрдә көзге культуралар чәчәргә чыгарга планлаштырып торабыз. Сәламәт кешегә эш – шатлык ул. Сыйфатлы, мул уңыш алыйм дисәң, басудан кайтып кермисең. Ә бу басуга килгәндә, быел монда арыш чәчәргә исәпләп торам. Уңышы ничек булуын алдагы көздә сөйләшербез. Килерсез, – дип чакырып та куйды фермер хуҗалыгы башлыгы Флорис Шакиров.
Дулкын-дулкын булып утырган арпа басуында комбайнчы Денис Нурисламов эшли. Денис – үз эшенең остасы, үзенең комбайны белән тирә-як хуҗалыкларга урып-җыю кампаниясе вакытында ярдәм итә.
