+24 °С
Яңгыр
Җәмгыять
29 август 2025, 04:27
Өфөлә «Геройҙар ваҡыты» IV төп бүләген Санкт-Петербург педагогы яуланы
Еңеүсегә награданы Совет майҙанында үткән гала-концертта Республика Башлығы Радий Хәбиров тапшырҙы.- Мин бик бәхетлемен, шул тиклем тулҡынланам! – тине Лидия Трифонова, сәхнәнән төшөп. - Башҡортостанда үткән бындай ҙур конкурста минең ижадымды юғары баһаларҙар тип уйламағайным. Үҙ ҡаламды лайыҡлы күрһәтә алыуым менән бәхетлемен. Иң мөһиме, беҙ ижадыбыҙ менән еңеүҙе яҡынайтабыҙ. 80 йыл элек бөтә донъяла тыныслыҡ өсөн, балаларыбыҙҙың, ейәндәребеҙҙең тыныс йәшәүе өсөн көрәшкән олатайҙар һымаҡ бөгөн дә һалдаттар алғы һыҙыҡта.
Өфөлә «Геройҙар ваҡыты» IV төп бүләген Санкт-Петербург педагогы яуланы
Конкурсант «Еңеүҙәр алда» йырын башҡара. Уны балалар баҡсаһында бергә эшләгән коллегаһы һәм дуҫы менән бергә яҙған.
- Йыр илебеҙҙә 2022 йылдан һуңғы ваҡиғаларға яуап итеп яҙылған. Беҙҙең бәләкәй тәрбиәләнеүселәребеҙ хәҙер атайҙарын, олатайҙарын, ағайҙарын юғалтыу кеүек ҡот осҡос ҡайғы менән осрашты. Был– ил ҡайғыһы. Беҙҙең ижадта ла сағыла, - тине ул.
Лидия биш йәшенән музыка менән шөғөлләнә. Уның олатаһы ла музыкант булған. Балалар менән эшләүенә инде 20 йыл.
Гала-концерт ваҡытында ямғыр яуҙы. Әммә ҡунаҡты бындай һауа торошо ҡурҡытманы. Ул фестивалдә ҡатнашыуҙан ҡәнәғәт булыуын белдерҙе.
- Сара юғары кимәлдә ойошторолған, ә миңдә сағыштырырлыҡ тәжрибә бар. Фестиваль тураһында киң мәғлүмәт сараларынан белдем һәм ҡатнашырға булдым. Лайыҡлы, күләмле, профессиональ конкурс, - тип иҫәпләй Лидия. - Бындай конкурстар яңы йырҙар тыуһын өсөн кәрәк. Балаларыбыҙ мәғәнәле,мәңгелек йырҙар тыңлаһын!
Өфөлә «Геройҙар ваҡыты» IV төп бүләген Санкт-Петербург педагогы яуланы
