"Рәхәттә" рәхәт, оештыручыларга рәхмәт!

Башкаланың Кашкадан күле буенда оештырылган чара «Сәламәт тәндә - сәламәт рух» фитнес-марафонын уздыру зонасында башланды. Анда ике тапкыр көмеш һәм бронза призер, дөнья һәм Европа, Паралимпия чемпионы, атказанган спорт мастеры Анна Кулинич-Сорокина, шулай ук Олимпия чемпионы, ике тапкыр дөнья һәм Европа чемпионы, атказанган спорт мастеры, спорт мастеры Аделина Заһидуллина белән бергә физик күнекмәләр үтү мөмкинлеге бар иде.

Аңа күпләр шатланып кушылды.

- Без бу чара белән республикада фитнес индустриясе үсешен күрсәтергә уйладык, - ди "Кызыл таң" хәбәрчесенә Башкортстанның эшкуралык һәм туризм министры Зөһрә Гордиенко. - Аның алдагы казанышларын да күзалларга белгечләрне җәлеп иттек. Бу өлкәдә эшчәнлек оештыручыларга безнең мәйданчыклар ачык, алар бүген эшли башлады да инде.

Розалия КАТЫШЕВА, Сипайлово бистәсендә яшәүче:

- Бу чараны көтеп алабыз, шушы көнгә туганнарны кунакка чакырабыз. Без авыл балаларына мунча керү кеше күзеннән яшерелгән нәрсә иде, ә монда балалар аны бәйрәм итеп кабул итә. Без дә бәйрәм итәбез! Оештыручыларга рәхмәт!

Фото: автор фотосы.