+24 °С
Яңгыр
Җәмгыять
30 апрель 2025, 07:00
Беренче «карлыгачлар»ны армиягə озаттык
22 апрель көнне язгы чакырылышның беренче төркем егетлəрен озату тантанасы үтте. Булачак солдатлар гына түгел, аларның əти-əнилəре, туганнары, якыннары һəм дуслары өчен дə дулкынландыргыч көн булды. Əлегə кадəр яныңда булган балаңны чит, таныш булмаган җирлəргə, бер белмəгəн кешелəр янына озату күңеллəрне телгəли. Бер елга гына булса да... Егет булып җитешсəлəр дə, əти-əни өчен һаман бала шул алар.
Беренче «карлыгачлар»ны армиягə озаттык
Язгы чакырылышны районнан өч егет башлап җибəрде: Гайдар Закиров (Каратамак авылы), Радмир Мөхəмəтханов (Чалкак авылы) һəм Урал Ягафəров (Борай авылы).
Аларны тантаналы төстə озатырга килгəн район җитəкчелəре дə чыгышларын менə шундый өрлектəй егетлəр – ил сакчылары булып җитешкəн уллар үстергəн гаилəлəргə, əти-əнилəргə рəхмəт сүзлəре белəн башладылар.
– Ир-егет өчен ил иминлеген саклау зур горурлык ул. Быел язын армия сафларына 36 егет алыначак. Моңа кадəр киткəн егетлəребез намус белəн хезмəт иттелəр һəм итəлəр, безнең, əти- əнилəренең йөзлəренə кызыллык китермилəр. Сез дə бурычыгызны намуслы үтəрсез дигəн ышаныч белəн, изге телəклəрдə, сезне туган якларда көтеп калабыз. Бер ел тиз үтə ул, яхшы гына хезмəтегезне үтегез. Сезнең тормыш əле башлана гына, ныгып, чын ир-егетлəр булып кайтыгыз! – диде район хакимияте башлыгының беренче урынбасары Гемир Нуртдинов.
Хəзер киткəн егетлəребез дə шулай əти-əнилəрен сөендерерлек итеп хезмəт итеп, исəн- имин туган нигезлəренə əйлəнеп кайтсыннар.
