Тарихи мәчетендә балалар өчен Ураза Гаете бәйрәме үтте.

Бәйрәм барышында иң әүвәл балалар, төрле яшь төркемнәренә бүленеп, Ислам дине нигезләре буенча викторинада көчләрен сынаштылар. Илдар хәзрәт Шәрәфиев, Ришат хәзрәт Әсләмов, Динарис хәзрәт Хәбибуллин мавыктыргыч итеп викторинаны алып бардылар һәм балаларның белемнәрен бәяләделәр.

Бәйрәм чәй табынында дәвам итте. Чараның ахырында район күләмендә үткәрелгән "Рамазан минем өчен нәрсә ул?" иҗади бәйгесенең җиңүчеләрен бүләкләделәр. Әлеге бәйге берничә ел рәттән үткәрелеп килә. Анда балалар үз куллары белән эшләнгән рәсемнәрен, эшләнмәләрен, үзләре язган шигырь-мөнәҗәтләрен тәкъдим итәләр. Елдан ел катнашучыларның саны арта баруы куанычлы.