Гаилә консультацияләре көне үтте

Әлеге акциягә Алтаю авылы да актив кушылып, муниципаль этапта җиңү яулады. Шул рәвештә үткән атнада «Аек авыл – 2023» конкурсының республика этабы кысаларында Алтаю авылы клубында «Гаилә консультацияләре көне» үтте. Бу чара белгечләргә эләгү һәм бер үк вакытта төрле мәсьәләләр буенча һөнәри консультация алу мөмкинлеге тудырды.

Авыл халкы өчен консультацияне муниципаль район Советы аппаратының сектор мөдире Илшат Хаҗиев, РФ Пенсия фондының Борай районындагы вәкиле Галия Хафизова, Борай районының мәшгульлек үзәге вәкиле Гүзәл Сәетова, күпфункцияле үзәгенең Борай авылы бүлекчәсенең бүлек мөдире Ләйсән Сабирьянова, үзәк район дәваханәнең табиб-наркологы Гүзәл Шәймиева, Борай районындагы «Гаилә» хезмәте белгече Алсу Гомәрова, район мәгариф бүлеге методисты Рамилә Солтанова һәм «Очаг» халыкка социаль хезмәт күрсәтү үзәге директоры Илгиз Вәлинуров үткәрде. Шулай ук Кузбай авыл советы авыл биләмәсе башлыгы Фәнил Закиров та катнашты.

Табиб-нарколог Гүзәл Назыйф кызы алкоголизмга һәм аның кеше организмына зарары турындагы мөһим сорауларга кагылган әңгәмә үткәрде.

Гражданнарны күчмә кабул итү алтаюлыларга үзләрен кызыксындырган сорауларга актуаль оператив җаваплар алырга мөмкинлек бирде. Мөрәҗәгать итүчеләр мондый чараларның уңайлылыгын һәм мөһимлеген билгеләде.