Һөнәре – кешегә ярдәм итү

Шуларның берсе Борай авылында яшәүче Рания ханым Хаҗиева. Ул битараф булмаган, энергияле, рухи һәм үз эшенә тугры кеше. Аны әбиләр һәм бабайлар иң кадерле кунак кебек көтәләр.
Рания Әхнәф кызы  инде 16 ел социаль хезмәткәр булып эшли. Хәзер ул җитмеш яшьтән өлкәнрәк 17 пенсионерга хезмәт күрсәтә, шуларның җидесе инвалид, иң олысына 87 яшь. Аларның һәрберсенең үз тарихы, үз характеры һәм гадәтләре бар.
Бу хезмәткә Рания ханым 2007 елда килә. Аның инде зур эш тәҗрибәсе бар. Бик игътибарлы һәм җаваплы ул. Социаль хезмәткәр үзенең хатын-кыз тәрбияләнүчеләрен назлы итеп «минем әбиләрем» дип атый.
– Алар минем өчен иң якын кешеләрем, – дип сөйли Рания Әхнәф кызы. – Мин аларга олы һәм акыллы остазларым, әти-әниләрем кебек зур хөрмәт һәм ярату белән карыйм. Бездә беркайчан да конфликтлар булмый. Мин үз эшемне яратам. Өлкәннәр белән эшләү зур сабырлык, ярдәмгә килергә әзерлек таләп итә. Олы яшьтәгеләр мине күп нәрсәгә өйрәтте: авыр тормыш ситуацияләрен хәл итү, кешеләрне яхшырак аңлау. Иң мөһиме, мин яңа туган көнне  кадерләргә өйрәндем.
Социаль хезмәткәрнең эш көне иртән иртүк башланса да, кайчак өйләренә соң гына кайтып керәләр. Кайвакыт тәрбияләнүчеләргә ял көннәрендә дә, төнлә дә килергә туры килә. Өлкән яшьтәге кешеләр теләсә кайсы вакытта шалтыратырга мөмкин, чөнки хәлләр төрле була.
Даруханәдән дарулар алырга бару, коммуналь хезмәтләр өчен түләү, җыештыру һәм өйдә, бакчада кирәкле эш, ризык әзерләү, кер юу – менә аларның  күрсәткән хезмәтләренең тулы  булмаган исемлеге. Кәгазь эше белән дә шөгыльләнергә туры килә: пенсия, субсидияләр, ташламалар рәсмиләштерергә ярдәм итәләр. 
Әлбәттә, үз-үзеңә карата хөрмәткә лаек булыр өчен, намус һәм ярату белән берничә ел эшләргә, сабыр, игътибарлы, игелекле булырга, яхшы сүз белән ярдәм итә белергә, кәефләрен күтәрергә кирәк, өлкән яшьтәге кеше элеккечә тирә-юньдәгеләргә кирәклеген аңларга, үзен тулы хокуклы шәхес итеп тоярга тиеш.
– Рания Әхнәф кызы безнең иң яхшы хезмәткәрләребезнең берсе. Ул барлык эшләрен ахырына кадәр җиткереп эшли торган кеше. Аның белән барлык хезмәт күрсәтүчеләр дә канәгать. Күптән һәм бик нәтиҗәле эшли, – ди  «Очаг» халыкны социаль хезмәтләндерү үзәге директоры Илгиз Вәлинуров.