«Сталинград – җиңү тарихы» проектын күрми калмагыз!

«Сталинград – җиңү тарихы» проекты - совет халкының илебезнең киләчәге өчен көрәштә батырлык һәм каһарманлык символы булган шәһәргә багышланган Бөтенрусия күргәзмә проекты.

Сталинград сугышы - Бөек Ватан сугышында хәлиткеч сугышларның берсе. Аның масштабы, Русияне азат итү өчен әһәмияте һәм нәтиҗәләре бәяләп бетергесез. Юбилей датасына «Русия - минем тарихым» проекты һәм «Сталинград сугышы» музей командалары мультимедиа экспозициясе формалаштырды, анда заманча анимацияләнгән карталар, уникаль видеохроника, вакыйгаларда катнашучыларның көндәлекләре, цитаталар һәм портретлар кертелгән.

- Күп кенә уфалылар өчен Сталинград гаилә тарихының бер өлеше булып тора. Нәкъ менә шушы сугышта 1941 елда күпчелек Уфа мәктәпләрен тәмамлаучылардан формалашкан 214нче укчылар дивизиясе авыр югалтулар кичерде, - дип сөйли тарихи паркның директоры Александр Гусев. - Сталинград сугышы тарихы тамашачы каршына хронологик тәртиптә бастырылачак һәм сугышның төп сюжетларын колачлаячак: «Һава блокадасы», « Сталинградка янындагы сугышлар», «Кышкы күк күкрәү», «Боҗра», «Сталинградның төньяк районнары өчен көрәш», «Мамай курганы», «Павлов йорты».

- Безнең аудитория - төрле буын кешеләре. Ләкин нәкъ менә балалар, үсмерләр, яшьләр күргәзмәнең төп кунаклары булыр дип ышанам. Аның мультимедиа форматы үсеп килүче буынга Бөек сугыш турында тулырак хикәяне алар өчен таныш мультимедиа теле белән сөйләргә мөмкинлек бирәчәк. Күргәзмә кысаларында ил буенча дистәләгән чаралар: лекцияләр, яшьләр өчен интерактив дәресләр, кино күрсәтү һәм башкалар узачак, - дип билгеләп үтте «Русия – минем тарих» тарихи парклар ассоциациясе директоры, Русия Федерациясе Иҗтимагый палатасы әгъзасы Иван Есин.

Күргәзмә 2 февральдә 15.00 сәгатьтә ачылачак.

Бу көнне күргәзмәгә керү ирекле булачак. Калган көннәрдә: билет хакы - 100 сум, студентлар һәм пенсионерлар өчен – 50 сум, мәктәп укучылары – бушлай.

Экскурсия хезмәте - 1000 сум.

Язылу өчен телефон: 286-60-66.

«Сталинград – җиңү тарихы» күргәзмәсе 23 февральгә кадәр дәвам итәчәк. Сезне Уфа шәһәре, Менделеев урамы, 158нче йортта көтеп калалар.

Бу хакта тулырак: https://mgazeta.com/articles/aktsiya-pamyati/2023-01-29/vystavki-v-ufe-stalingrad-istoriya-pobedy-3122808

Чыганак: https://kiziltan.ru/articles/batyrlar-d-vere/2023-02-01/stalingrad-i-tarihy-proektyn-k-rmi-kalmagyz-3127008