+30 °С
Болытлы
Мәгариф
28 июнь 2025, 11:28
Уңышлар сезгә, 2025 елгы чыгарылыш сыйныф укучылары!
Бүген, 28 июнь көнне, район мәдәният йортында беренче урта мәктәпнең 11нче сыйныф чыгарылыш укучылары өчен уку тәмамлану һәм яңа олы тормыш чоры башлану бәйрәме узды.
Әлеге чараның тантаналы мизгеле – 2025 елда чыгарылыш сыйныф укучыларына аттестатлар тапшыру.
Аларны район хакимияте башлыгы Рушан Гәрәев, мәгариф бүлеге начальнигы Илдус Мостафин һәм мәктәп директоры Азат Арсланов тәбрикләп, бары тик иң изге теләкләр генә җиткереп, тантаналы рәвештә аттестатлар тапшырдылар.
Чыгарылыш сыйныф укучыларының ата-аналарыннан, укытучыларыннан һәм сыйныф җитәкчеләреннән дә котлаулар һәм матур теләкләр яңгырады.
Укучылар укытучыларына, әти-әниләренә булган рәхмәт хисләрен моңлы җырларга, дәртле биюләргә төреп бүләк иттеләр.
