Хатын-кызларның сәламәтлеге сагында

Хатын-кызлар консультациясендә табибларга уңайлы һәм нәтиҗәле эшләү өчен барысы да каралган – иркен кабинетлардан алып заманча җиһазларга кадәр. Ә иң мөһиме – барысы да пациенткалар уңайлыгы өчен. Эксперт дәрәҗәсендәге ултратавыш сканерлары, сәламәтлекне диагностикалау һәм контрольдә тоту өчен КТГаппаратлары булачак әниләргә  югары төгәллекне гарантияли. Монда балалар өчен уен зонасы да каралган, анда нәниләр әниләре мәшгуль булганда вакытны файдалы үткәрә ала.

Йөкле хатын-кызлар өчен медицина-психологик ярдәм кабинеты эшли. Булачак әниләр консультацияләрнең югары нәтиҗәлелеген билгеләп үттеләр, белгечнең индивидуаль якын килүенең мөһимлеген һәм шәхси проблемаларны ачыктан-ачык сөйләшү мөмкинлеген ассызыклыйлар.

Учреждениенең үзенчәлеге «Сакчыл поликлиника» принципларын кертү булды. Бу  бердәм язылу тәрәзәсе, уңайлы көтү зоналары һәм заманча цифрлы технологияләрне куллану авырлы хатыннарны язу һәм алып бару процессын оператив оештырырга мөмкинлек бирәчәк, пациентларның уңайлы булуы өчен оптималь шартлар тудырачак.

Хатын-кызлар консультациясен ачу тантанасында Башкортстан Республикасы сәламәтлек саклау министры урынбасары Динара  Еникеева, Борай районы хакимияте башлыгы Рушан Гәрәев, аның инвестицияләр, эшкуарлык һәм икътисад буенча урынбасары Марат Ахунов, үзәк дәваханәнең баш табибы Марат Хәсәнов, табиблар, булачак әниләр катнашты.

– Районыбызның сәламәтлек саклау өлкәсен үстерүдә бу мөһим этап. Яңартылган кабинетлар, җиһазлар хатын-кызларны һәм булачак әниләрне карауның югары сыйфатын тәэмин итә.  Без хатын-кыз сәламәтлеге – шәхси, кайчакта борчулы да, шатлыклы да сәяхәт икәнен аңлыйбыз. Безнең бурыч - бу юлда ышанычлы юлдаш булу. Бу йөклелекне планлаштыру, аны алып бару, профилактик караулар яки нәзакәтле мәсьәләләрне хәл итү булсынмы, монда сезгә һәрвакыт ярдәм итәчәкләр, - дип билгеләп үтте Борай үзәк район дәваханәсе баш табибы Радик Хәсәнов.

Хатын-кызлар консультациясенең мөдире Ләйсән Галиакбарова да яңа мөмкинлекләр биргән проектка рәхмәтле:

– Әлеге проект хатын-кызларга медицина ярдәме сыйфатын яхшыртуга, йөкле һәм яшь әниләргә хезмәт күрсәтү мөмкинлеген яхшыртуга юнәлдерелгән.  2025 елга республикада мондый проект берничә районда гына гамәлгә ашырыла, бу аның уникальлеген һәм әһәмиятен ассызыклый. Бездә хатын-кызлар консультациясе ачылуы – куанычлы һәм шатлыклы хәл. Ана һәм балаларга ярдәм итү өчен заманча һәм уңайлы инфраструктура булдыру сәламәтлек саклау системасын үстерүдә һәм гаилә кыйммәтләрен ныгытуда мөһим адым булып тора. Булачак әниләрне, шулай ук үз сәламәтлеге өчен борчылган хатын-кызларны кочак җәеп каршы алабыз. Шәһәр табибларына барасы урында алар безгә мөрәҗәгать итә алалар.

– Безнең бурыч – медицина ярдəмен югары сыйфатлы һəм барлык халык өчен дə, шул исəптəн авылларда да, районнарда да, уңайлы итү. Шуңа күрə без республика халкына дəвалануга уңайлы шартлар булдыру өчен бөтен көчне салабыз. Шулай ук башкалада гына түгел, районнарда яшəүчелəр дə мондый уңайлыклардан файдалана алсын өчен дәваханәләрне заманча җаһазландыруны күз уңында тотып эшлибез.

Республика Башлыгы Радий Хəбиров