Жасминчылар – Казанда

Конкурста Русиянең 26 шәһәрләреннән һәм республикаларыннан  яшь биючеләр 85 бию тәкъдим итте.

Ирина Баһаутдинова җитәкчелегендәге безнең ансамбль конкурста уңышлы чыгыш ясады. Яшь артистлар югары әзерлек дәрәҗәсен күрсәттеләр һәм жюри тарафыннан танылу яуладылар. Алар “Хореография. Халык стильләштерелгән биюе” номинациясендә “Косыл Ясь” биюе белән I дәрәҗә лауреатына ия булдылар. Ә “От винта” белән “Подай балалайку” биюләре II дәрәҗә лауреатлары булды. Ялгыз чыгыш ясаган Эльзара Хөснетдинова да үз бию белән III дәрәҗә лауреат исеменә лаек булды. Алар онытылмаслык тәҗрибә һәм тәэсирләр алып, Башкортстан Республикасы һәм коллектив намусын якладылар, тагын бер тапкыр «Жасмин»ның чынлыкта да үрнәкле исеменә лаек булуын исбатладылар. Ә Жасмин» үрнәкле эстрада биюе ансамбленең җитәкчесе Ирина Баһаветдинова иң яхшы педагогик эше өчен махсус бүләккә « лаек булды

Фестиваль-конкурсның гала-концертында сигез номер арасында безнең биючеләр “Косыл Ясь” биюе чыгыш ясады.

Жасминчылар өчен Казанга сәфәр иҗади сынау гына түгел, мәдәният һәм тарих дөньясына чын сәяхәт тә булды. Яшь артистлар Татарстан башкаласының милли колориты белән Казан буенча зур экскурсия вакытында таныштылар. Балалар шәһәрнең күп гасырлык тарихын ачучы истәлекле урыннарда булдылар. Мәдәни программа XVI гасырда нигез салынган уникаль тарихи комплекс – Свияжск утрау-шәһәрчегенә экскурсия белән тәмамланды.

– Безнең  конкурска баруыбыз өчен укучыларыма, аларның әти-әниләренә, шулай ук район хакимияте башлыгы Рушан Гәрәевка, район мәгариф бүлеге начальнигы Илдус Мостафинга, балалар иҗат йорты директоры Филзинә Сәхибгәрәевага рәхмәт белдерәсем килә, – ди Ирина Фәнзәви кызы.

Шунысын өстәп әйтергә кирәк, «Жасмин» үрнәкле эстрада биюе ансамбле декабрь аенда Санкт-Петербург шәһәрендә “АРТИС-2026. Перезагрузка”  балалар һәм яшьләр иҗаты өлкәсендә халыкара премиясен алырга барачак.

Без балаларны һәм аларның остазларын лаеклы бүләкләре белән котлыйбыз һәм яңа иҗади казанышлар телибез!