Җыр-моңга гашыйклар

Үткән атнада инклюзив иҗади лаборатория эше кысаларында Уфаның “Атайсал” мәдәни үзәгендә Салават Низаметдинов истәлегенә республика вокаль сәнгать фестивале узды. Бу вакыйга Башкортстан Республикасында сәламәтлек мөмкинлекләре чикләнгән кешеләр турында кайгырту елының бер өлеше булып тора һәм сәламәтлек мөмкинлекләре чикләнгән талантлы башкаручылар арасында үткәрелә.
Борай районы данын Флүс Шәрифҗанов белән Мадис Фәрхетдинов якладылар һәм югары нәтиҗәләргә ия булдылар. Рәис Вахит Хызыров җитәкчелегендәге жюри әгъзалары иң лаеклыларын бәяләделәр.
Флүс Шәрифҗанов үзе гармунда уйнап, җырлап беренче урынга чыкты һәм Салават Низаметдинов иҗатына тугрылыгы, күпьеллык хезмәттәшлеге, республика халык иҗаты үзәгенең һәм Башкортстан Республикасының мәдәни тормышында актив катнашуы өчен Рәхмәт хаты һәм “Бөтенрусия Хезмәт Кызыл Байрагы орденлы сукырлар җәмгыяте” Бөтенрусия инвалидлар иҗтимагый оешмасының Башкортстан республика иҗтимагый оешмасы идарәсе грамотасы белән бүләкләнде.
Бөтенрусия сукырлар җәмгыятенең Борай җирле оешмасы рәисе Мадис Фәрхетдинов та сынатмады, ул өченче урында булып, “Бөтенрусия Хезмәт Кызыл Байрагы ордены сукырлар җәмгыяте” Бөтенрусия инвалидлар иҗтимагый оешмасының Башкорт республика иҗтимагый оешмасы идарәсе Борай районының җирле оешмасының Рәхмәт хаты, Салават Низаметдинов иҗатына тугрылыгы, күпьеллык хезмәттәшлеге, республика халык иҗаты үзәгенең һәм Башкортстан Республикасының мәдәни тормышында актив катнашуы өчен Рәхмәт хаты һәм Бөтенрусия инвалидлар иҗтимагый оешмасының Башкортстан республика иҗтимагый оешмасы идарәсе грамотасы белән бүләкләнә.