“Туган җирем – туар җырым”

Уфадан шагыйрәнең байтак шигырьләренә көйләр иҗат иткән композитор Роза Якупова һәм калфак ясау остасы Зилинә Садртдинова катнашты.

Очрашуга район китапханәчеләре белән районның әдәбият сөючеләре җыелган иде.

Чарада авторның каләмдәше Лилия Гайфуллина, журналистика буенча коллегасы Фәнзәлия Бәдертдинова, “Алга” гәзитенең баш редакторы Венера Арсланова, район үзәк китапханәсе директоры Рәвил Әхмәтов, гаилә дусты Фәридә Әхмәрова, шулай ук Гәүһәрия Зарипова, Роза Габделхакова һ.б. сүз алып, Рафига Карам кызының үзе, иҗаты, шәхесе турында сөйләделәр, аның ватанпарвәрлек ягыннан үрнәк булуына тукталдылар, авторга тагын да иҗат уңышлары теләделәр. Әдәби кунакханәдә катнашучылар Рафига Усманованың бу китабын һич икеләнүсез туган җиргә мәдхия китабы дип әйтергә тулы нигез бар икәнен билгеләделәр.

Туган җиргә соклануын шагыйрә еш кына җырлары аша да чагылдырган. Шул җырларны кунаклар Роза Якупова башкаруында тыңлап үттеләр.

Матур, җылы сүзләргә, истә калырлык мизгелләргә бай булган чара кунакларның да, катнашучыларның да хәтерендә озак сакланыр. Шагыйрәнең иҗаты белән кызыксынучылар, китапларын укучылар артып торсын.