Борайлылар «Абилимпикс» чемпионатында катнашты.

15 апрельдә Уфа радиоэлектроника көллияте базасында  БПЛА операторы, студентлар һәм белгечләр, махсус операция ветераннары арасында компетенция буенча региональ чемпионат үткәрелде. Борай районыннан беренче тапкыр инвалидлар һәм сәламәтлек мөмкинлекләре чикләнгәннәр арасында һөнәри осталык буенча XII региональ «Абилимпикс» чемпионатында компетенция буенча эксперт БПЛА операторы СВОда катнашучы Динар Муллагалиев һәм политехник көллияте укытучысы Гүзәл Мусина катнашты.

Ярышлар 5 сәгать дәвамында барды.  «Абилимпикс» белгечләре һәм студентлары пилотсыз авиация системаларын эксплуатацияләү буенча чемпионатта катлаулы теоретик һәм практик тестлар уздылар. Алар виртуоз дәрәҗәдә дроннар белән идарә итеп, очу күнекмәләрен генә күрсәтмәделәр, ә катгый конкуренция шартларында стандарт булмаган логистик бурычларны да хәл иттеләр. Бу сынаулар чикле концентрация һәм салкын канлылык таләп итте һәм безнең катнашучылар киләчәкнең югары технологияле җиһазлары белән тигез дәрәҗәдә эшләргә сәләтле булуларын намус белән исбатладылар.  

Хәзер нәтиҗәләр игълан итүне көтәбез.