+21 °С
Болытлы
Батырлар дәвере
13 февраль 2025, 09:25
Батырлык, фидакарьлек, Ватанга тугрылык күрсәткән райондашларыбызны хөрмәтләдек
15 февраль интернационалист сугышчыларны искә алу көне буларак билгеләп үтелә. Бу Әфганда гына түгел, Чечен сугышында катнашучыларны да искә алу көне. Бүгенге көндә Борай районы территориясендә 41 – әфган, 135 чечен сугышы ветераннары яши.
Кызганычка каршы, зур корбаннар, югалтуларсыз үтмәде сугышлар. Борай районыннан Әфган сугышында алты яугиребезне, Чечен Республикасында ике якташыбызны югалттык.
Традиция буенча быел да Батырлар Аллеясында кайнар нокталарда булган якташлар җыелышып, истәлекләр белән уртаклашып, кайтмаганнарны бер минутлык тынлык белән искә алып, һәйкәлләргә чәчәкләр һәм веноклар салынды.
Шулай ук батырлык, фидакарьлек һәм Ватанга тугрылык күрсәткән райондашларыбызны хөрмәтләргә район хакимияте вәкилләре, мәктәп укучылары һәм авыл халкы җыелды.
