Батыр даны мәңгеләштерелде

Мемориаль тактаны ачу тантанасында район хакимияте башлыгының социаль, кадрлар һәм эчке мәсьәләләр буенча беренче урынбасары Гемир Нуртдинов, хәрбинең туганнары, дуслары, «Сугышчан туганлык» район иҗтимагый оешмасы вәкилләре, авыл халкы һәм башкалар катнашты.

Русия Федерациясе Президентының Указы белән хәрби бурычын үтәгәндә күрсәткән батырлыгы, кыюлыгы һәм фидакарьлеге өчен  Илмир Марсель улы Батырлык ордены белән бүләкләнде. Аны яугирнең әнисе Фәйрүзә апага тапшырдылар.

Тантанада егетне бер минут тынлык белән искә алдылар һәм мемориаль тактага чәчәкләр салдылар.