+30 °С
Болытлы
9 мая - День Победы
7 Май 2025, 04:00
Хəрбинең туганнарын эзлилəр
Борай районында туган Бөек Ватан сугышы солдатын мемориалда күмəчəклəр. Башкортстаннан Бөек Ватан сугышында катнашучыларны Калуга өлкəсендəге хəрби мемориалда күмəчəклəр. Бу турыда “Башинформ” Русия мəгълүмат агентлыгы һəбəр итə.
«ВПК Прорыв» эзлəү берлəшмəсе волонтерлары 2024 елда Износков районында Кызыл Армиянең 1250 солдат һəм офицер сөлдəлəрен тапканнар һəм аларның исемнəрен ачыклаганнар. Шулардан 18 сугышчы – безнең республикадан, бер солдат – Каптиев Саптых (Саттий) Каптий улы Борай районыннан.
Совет хəрбилəре 1942 елның февралендə Захаров операциясе вакытында һəлак була. Ул чакта генерал-лейтенант М.Г. Еремовның 33нче армиясе, генерал-лейтенант П. А. Беловның 1нче гвардия кавалерия корпусы һəм генерал-майор А. Ф. Казанкинның 4нче һава-десант корпусы камалышыннан өзеклек ясалган була.
“Халык хəтере. 1941-1945еллар” сайты мəгълүматлары буенча рядовой Каптиев Калтисаптых (Саптых, Саттий) Каптий улы 1921 елда Борай районы Бəлəкəй Шөкшəн авылында туа. 1942 елда Башкорт АССРның Борай район хəрби комиссариатыннан алына. Хəрби часть: көнбатыш фронты 160нчы укчы дивизиясенең 1297нче укчы полкы, икенче Беларусия фронты. Җирлəү урыны: Смоленск өлкəсе, Износков районы, Захарово авыл билəмəсе, Захарово авылы.
Хəзерге вакытта эзəрманнар һəлак булган сугышчыларның туганнарын эзлилəр.
