+3 °С
Облачно
Яңалыклар
22 Июля 2020, 07:35
Башкортстан тыюлыгында янгын тулысынча сүндерелгән
Башкортстан урман хуҗалыгы министры Марат Шәрәфетдинов Урал аръягындагы урманнарга авиация ярдәмендә патрульлек итте.
Ул республикада урман янгыннарына бәйле вәзгыять турында хәбәр итте. Иң мөһим яңалык - Башкортстан тыюлыгында кичә 21.20 сәгатьтә янгын тулысынча сүндерелгән.
Көн дәвамында алты янгын бетерелгән, шуларның икесе - Әбҗәлилдә, икесе Белорет һәм берсе Мәләвез районнарында. Белорет һәм Бөрҗән районнарында өч янгын тиздән сүндереләчәк. Торак пунктларга янаулар юк.
Кичә 20.30 сәгатьтә Белорет районында янгын чыккан урыннарда явым-төшем булмады, янә яшен фронты узды. Бүген биредә янгын сүндерү эшләренә 286 кеше һәм 64 берәмлек техника җәлеп ителгән.
