Ягымлылыгы белән кибетне ямьли

Халыкта элек-электән сатучының йөзе “бал сатсын” дигән әйтем бар. Димәк, сәүдә өлкәсендә эшләгән, халыкны хезмәтләндергән сатучының йөзендә һәрвакыт елмаю балкып торырга тиеш дигән фикердән чыгып әйтелгән бу сүз. Әле дә кибеткә күпләр сатучысына карап керә. Караңгы йөз белән каршылап, тупас сөйләшкән сатучысы булган кибеткә керәсе килми, урап узасың, бу фикер белән һәр кеше килешер, минемчә. Көн озынына позитив булып калу өчен бу өлкәдә эшләүчеләргә дә бик күп көч кирәк, әмма кибеткә уңыш китерү юлларының иң мөһиме сатучыдан тора икән шул.