Маллар – ышанычлы кулларда

Бу көннәрдә башмак көтүен ул көтә. Ә көтүченең вакыты бик әкрен уза, аның һәр секунды – минутка, минуты сәгатькә тиң. Җитмәсә, суык, каты җилме, яисә хәлдән таярлык эссеме, кигәвенме – көтүче бернигә дә карамастан үз вазыйфасын башкарырга, маллар өчен җавап бирергә тиеш. Шәхинур Шәрифуллин белән Марат Сәгыйтов савым сыерларын көтә, герефорд токымлы 67 баш мал өчен Рәфит Мусин җаваплы. Көтүне эш урыны итеп кенә түгел, тере җанлы маллар дип эшли торган кешеләр алар. Маллар иртәнге җидедән көтүгә чыгарылалар, кичен караңгы төшкәнче үләндә йөртеләләр.

Әлеге чордагы хезмәт нәтиҗәләре бигрәк тә көтүчеләрнең үз эшләрен җиренә җиткәреп, куелган таләпләрне тиешенчә үтәп башкаруына бәйле. Җитәкчеләр дә көтүчеләрне мактап телгә ала.