+24 °С
Дождь
Авыл хуҗалыгы
6 Апреля 2021, 04:10
Әтисе юлын дәвам итеп
Соңгы елларда юньчелләр «Агростартап» гранты биргән мөмкинлекләрне киң файдаланалар – яңа техника, нәселле мөгезле эре терлек сатып алалар, авыл халкын эш белән тәэмин итәләр. Конкурс җиңүчеләре арасында Ваныш авылы фермеры Раил Арсланов та бар. Агымдагы елда үз крестьян-фермер хуҗалыгын оештырган яшь җитәкче шушы көннәрдә бу программа нигезендә герефорд токымлы 42 баш тана алып кайтты.
– Герефорд токымы – табигый шартларда симертү өчен иң яхшы терлекләрнең берсе. Токымлы маллар утарда бозаулары белән бергә асралырга тиеш. Киләчәктә шушы токымның баш санын арттырып, ит җитештерү эше белән шөгыльләнергә телим, – ди Раил Рафаэль улы.
Моңарчы Раил Арсланов әтисенең крестьян-фермер хуҗалыгында көч сала. Терлекчелек, басучылык өлкәсендә шактый тәҗрибә тупларга өлгергән инде ул. Әлеге маллар алуын сөйләгәндә ул фермерлык династиясен дәвам итеп, малчылыкта заманча яңа ысуллар кулланып, эшен башкарачагын белдерде.
– Әлеге малларны махсус ашату рационын үтәүдә терлекче Рәфит Мусин җаваплы. Флорид Камалов, Рузолин Шәрипов һәм Радик Яхин аның ярдәмчеләре. Бердәм булып, бер-берсенә ярдәм итеп, малчылык тармагында гына түгел, ә басучылыкта да күп көч салучылар алар. Бу абыйлар белән әллә нинди зур эшләрне дә аткарып чыгып була, – ди Раил үзе.
Шулай, «Агростартап» гранты Раил Арсланов кебек юньчелләргә зур ярдәм ул.
Моңарчы Раил Арсланов әтисенең крестьян-фермер хуҗалыгында көч сала. Терлекчелек, басучылык өлкәсендә шактый тәҗрибә тупларга өлгергән инде ул. Әлеге маллар алуын сөйләгәндә ул фермерлык династиясен дәвам итеп, малчылыкта заманча яңа ысуллар кулланып, эшен башкарачагын белдерде.
– Әлеге малларны махсус ашату рационын үтәүдә терлекче Рәфит Мусин җаваплы. Флорид Камалов, Рузолин Шәрипов һәм Радик Яхин аның ярдәмчеләре. Бердәм булып, бер-берсенә ярдәм итеп, малчылык тармагында гына түгел, ә басучылыкта да күп көч салучылар алар. Бу абыйлар белән әллә нинди зур эшләрне дә аткарып чыгып була, – ди Раил үзе.
Шулай, «Агростартап» гранты Раил Арсланов кебек юньчелләргә зур ярдәм ул.
