+23 °С
Ясно
Авыл хуҗалыгы
19 Ноября 2020, 07:45
«Победа» һәрвакыт алда
«Победа» җәмгыятенең Абдулла авылындагы бүлеге фермасында бүгенге көндә 444 савым сыеры бар, дүрт савучы Данира Хәмәтнурова, Илүсә Шәнгәрәева, Флия Хәйруллина, Глүзә Сәлимова алардан тәүлегенә 5800 килограмм сөт савып ала. Маллардан кышкы чорда да мул продукция алу өчен ныклы нигез булдырылган. Ел әйләнәсенә җитәрлек мал азыгы хәстәрләнгән: 4 мең тонна силос, 9 мең тонна сенаж, 2 мең тонна печән әзерләнгән. Яңа туган бозаулар абзарында 130 баш мал асрала, аларны Ирина Арсланова карый. Ул иртәдән кичкә кадәр аларны бәләкәй бала караган кебек тәрбияли. Асларын ала, печән сала, сөт эчерә, абзарның җылылыгын тикшереп тора.
Басучылыкта да көзге кыр эшләре гөрләп барган. Көн-төн белән исәпләшми эшләгән авыл хезмәтчәннәре җитәрлек күләмдә уҗым культуралары чәчте, 27309 центнер ашлык җыеп алдылар, 1400 гектарда туңга сөрделәр.
–Тармакның уңышлы эшләвендә эшче егетләрнең өлеше зур. Механизаторлар Антон Зайруллин, Евгений Васильев, Владимир Смагулов язгы һәм көзге кыр эшләрендә югары нәтиҗәләргә ирешеп, хуҗалыкны алдынгылар сафына бастырдылар,– ди бүлекнең идарәчесе Даниф Нигъмәтҗанов.
Әлеге вакытта хуҗалыкта ферма янындагы тиресне басуларга чыгару эше бара. Алдагы ел уңышы өчен басулар әзерләнә.
–Тармакның уңышлы эшләвендә эшче егетләрнең өлеше зур. Механизаторлар Антон Зайруллин, Евгений Васильев, Владимир Смагулов язгы һәм көзге кыр эшләрендә югары нәтиҗәләргә ирешеп, хуҗалыкны алдынгылар сафына бастырдылар,– ди бүлекнең идарәчесе Даниф Нигъмәтҗанов.
Әлеге вакытта хуҗалыкта ферма янындагы тиресне басуларга чыгару эше бара. Алдагы ел уңышы өчен басулар әзерләнә.
