Хезмәте белән хөрмәт яулый

Молдаван егете Иван татар кызы Фирузага гашыйк булып, аны тормыш иптәше итеп сайлый. Алар башта читтә яши, аннары өлкәнәя төшкәч, хатынының туган авылы Ванышка кайталар. Биредә Фируза туып-үскән нигездә янә тормыш дәвам итә, йорт-ихатаны да мал-туар, кош-корт ямьли. Иван (рәсемдә) ел әйләнәсенә тракторда эшли. Яздан башлап көзге басу мәшәкатьләре тәмамланганчы кырда, аннары кышкылыкта Ваныш товарлыклы-сөтчелек фермасында терлекчеләргә ярдәмләшә. Мал утарларына рулоннарга төрелгән печәнне дә ул кертә һәм тракторында башка төрле эшләрне дә сыйфатлы үти.