Кулы оста, эшкә уңган

Ирек Рәфит улы ашлык урагында комбайнда эшли. Ул “Вектор” басу корабында ел саен кимендә җиде-сигез мең центнер ашлык суктыра. Башка вакытта Ирек машина руле артында. Җәмгыятьнең баш инженеры, бертуган абыйсы Ришат белән алар күп вакыт юлда, техникага запас частьлар артыннан юллана. Аның оста куллары ремонтлап йөреткән әлеге машинасы да хуҗалыкка ике дистә еллап хезмәт итә.