Рәхимовларның бердәм гаиләсе

Гаилә башлыгы Айдар башта Борайдагы авыл хуҗалыгы белгечләре хәзерләү училищесында ветеринар һөнәре алып, хезмәт юлын туган авылы Даутларда башлады. Авылдагы эш сөйгән ишле гаиләләрнең берсендә тәрбияләнеп үскән Гөлчәчәк белән тормышларын бәйләгәч, яшьләр Борайга күчеп килә. Монда да алар терлекчелекне үз итте. Айдар ферма мөдире һәм гомум терлекчелек тармагы үсеше өчен җаваплы булса, Гөлчәчәге яшь бозаулар карый. Читтән торып Башкорт дәүләт аграр университетын тәмамлап, югары белемгә ия булган Айдар Данис улы хәзер зур коллектив җитәкчесе.