+12 °С
Дождь
Җәмгыять
16 Июля 2021, 05:05
Афәрин, Айбар!
Районыбызның унберенче сыйныф укучылары бердәм дәүләт имтиханнарын уңышлы тапшырып бетерделәр. Шөкер, район буенча нәтиҗәләр начар түгел. Безнең районда 2021 елда БДИ формасындагы дәүләт йомгаклау аттестациясе югары оештыру дәрәҗәсендә, хокук бозуларсыз узуы билгеләнде. Хәтта, иң югары балл туплаучылар да булды. Борай беренче санлы мәктәбеннән Айбар Усаев химия фәненнән 100 балл җыйган.
Афәрин, Айбар!
Әлбәттә, бу – Айбарның, фәнне яхшы белүе белән беррәттән, тырышлыгы һәм укытучысының хезмәт нәтиҗәсе. Ул барыбызга да укысаң, тырыш булсаң, теләгеңә ирешергә мөмкин икәнне раслады.
Безнең районда шундый сәләтле балалар булуы белән без горурланабыз.
