+30 °С
Болытлы
Җәмгыять
23 апрель 2021, 10:20
Балалар туклануы – көнүзәк мәсьәлә
Мәктәптә балаларның көндәлек туклануын дөрес оештыру мөһим мәсьәләләрнең берсе булып тора. Республика Хөкүмәте балаларның туклануын үз контроленә алды. Белем бирү учреждениеләрендә киң җәмәгатьчелек вәкилләре, ата-аналар белән балаларга әзерләнгән ризыкны тәмләп карау, аның сыйфатын тикшерү максатыннан ачык ишекләр көннәре үтә. Аның чираттагысы Борай икенче санлы гимназиясендә узды. Анда район хакимияте башлыгының беренче урынбасары Гемир Нуртдинов та катнашып, әзерләнгән азык-төлекнең тәме һәм сыйфатына бәя бирде.
Район мәгариф бүлеге технологы Лариса Сәлимҗанова сүзләренә караганда, ата-аналар мәктәптә әзерләнгән ризыкның сыйфатыннан канәгать.
– Балаларның туклануын тикшерү буенча мондый ачык көннәр үтүе бик мөһим чара, чөнки ата-аналарны мәктәп ашханәсендәге азык-төлекнең тәме, сыйфаты нык борчый. Алар дегустация ясарга теләп килә. Бу, әлбәттә, безнең өчен куанычлы хәл. Димәк, ата-аналар битараф түгел, – дип белдерде ул.
Мәктәптә туклану буенча тәкъдимнәр һәм теләкләр журналы да бар. Анда ата-аналарның рәхмәт сүзләре генә урын тапкан. Бу Лариса Сәлимҗанованың сүзләренә ачык дәлил.
