+13 °С
Облачно
Җәмгыять
9 Ноября 2020, 14:05
Урамда уңайлыклар булдырыла
Борайның Советская урамыннан элеккеге май-сыр заводына кадәр күтәрелгән урында юлда чокыр булып, язлы-көзле пычрак су җыелып ятуы һәркемгә билгеле.Инде бу урамга үткән җәйдә асфальт түшәлде. Әмма халык теле белән әйткәндә тау башына таба менгәндә яки төшкәндә Космонавтлар урамы белән Яшьләр урамы очрашкан урында калкулык булып, водительләр һәм җәяүлеләр йөрешенә уңайсызлык тудыра иде. Бигрәк тә бозлавык вакытларда анда юл-транспорт һәлакәтләре булу мөмкинлеге куркыныч тудырды. Узган атнада шушы калкулык киселде. Шулай ук күпер, күпернең ике ягы киңәйтелде.
–Бу проект быелгы елда гына тәмамланмый. Ул ике елга булдырылган. Юлны киңәйтү кебек эшләрне “Танып” җаваплылыгы чикләнгән җәмгыяте эшчеләре башкарды. Монда тротуар эшләнәчәк. Әлбәттә, юл-транспорт һәлакәтләрен кисәтү өчен дә, җәяүлеләр өчен дә бу бик мөһим, – дип белдерде эшләр барышы турында Борай авыл биләмәсе башлыгы Азат Латипов.
Фото Борай авыл биләмәсе хакимиятеннән алынды
