Стәрлетамак нефть химиясе заводы - "Ел экспортеры"

Экспорт бизнесына ярдәм итү һәм стимуллаштыру, халыкара сәүдә өлкәсендә иң яхшы тәҗрибәне тапшыру өчен “Халыкара кооперация һәм экспорт” гомумдәүләт проектын гамәлгә ашыру кысаларында “Ел экспортеры” премиясе гамәлгә куелды. Җиңүчеләр ике этапта - округ һәм Бөтенрусия күләмендә билгеләнә. Идел буе федераль округында “Яңа география” номинациясендә Башкортстаннан узган елда 14 яңа базар ачкан “Стәрлетамак нефть химиясе заводы” җәмгыяте җиңүче булды, алар арасында Мексика, Кения, Филиппин, Пакистан, Панама, Көньяк Африка Республикасы бар.

Конкурста эре сәнәгать предприятиеләре, кече һәм урта бизнес вәкилләре катнаша. Округ этапларында җиңүчеләр ноябрьдә Мәскәүдә узачак Бөтенрусия конкурсының финалында катнаша.

2018 елның 7 маенда Президент Владимир Путин “Русия Федерациясенең 2024 елга кадәр үсешенең стратегик бурычлары һәм гомумдәүләт максатлары турында”гы Указга кул куйган иде.

#нацпроект #национальныйпроект