Корпоративлар алкогольсез үтәчәк

Русия Сәламәтлек саклау министрлыгы безнең саулыкны кайгыртуын дәвам итә. Бу юлы ул хезмәткәрләргә алкоголь куллануга тест үткәрергә тәкъдим итә. Бу производстводагы бәхетсезлек очраклары санын киметергә ярдәм итәчәк. Әлеге тәкъдим "Эшләүчеләрнең сәламәтлеген ныгыту" программасында яңгырый. Анысы "Сәламәтлек саклау" гомумдәүләт проекты кысаларында гамәлгә ашырыла.

Тикшерү барышында алкотестер кулланылачак дип көтелә. Министрлыкта, шулай ук, корпоративларны алкогольсез үткәрү зарур, дип исәплиләр.