Күз тиюдән, бозымнан ничек котылырга?

Күңелегез төшенке, кулыгызга эш бармый, тормыш дәртегез сүрелдеме? Бу витаминнар җитешмәве булырга мөмкин. Ә кайберәүләр мондый хәлне күз тию яисә бозым нәтиҗәсе дип уйлый. Һәм моны белү ысулын тәкъдим итә.

Чиста стаканга чиста су салып, баш өстегездә тотыгыз. Якын кешегез ул суга бер йомырка ватсын. Хәзер карагыз: йомырка үзгәрмичә стакан төбендә ятамы, әллә аннан ак җепселләр өскә сузылдымы? Беренче очракта хәвефләнергә урын юк, бар да тәртиптә. Ә йомырка бераз үзгәреп, өскә таба ак җепселләр күтәрелсә, күз тигән яисә бозым салынган, дип ышандыра белгечләр.