Башкортстанның Хәрби Дан музеенда мультимедиа-гид эшли башлаячак

"Республиканың Хәрби Дан музее "Мәдәният" проекты кысаларында Русия музейларының даими экспозицияләре буенча мультимедиа-гид булдыруга Бөтенрусия конкурс сайлап алуы узды. Проектны тормышка ашыру өчен "Артефакт" санлы платформасы файдаланылачак, ул өстәмә чынбарлык форматында мультимедиа-гид булдыруны күздә тота. Килүчеләргә смартфон кушымтасыннан файдаланып, экспонатка җайланманы салып, аның турында өстәмә мәгълүмат алырга мөмкин булачак. Бу музейга яңа килүчеләрне җәлеп итәргә мөмкинлек бирәчәк һәм экскурсоводлар ярдәменнән башка экспонатлар турында кызыклы фактлар сөйләячәк", - ди Илшат Үтәев.

Русия Мәдәният министрлыгы һәм "Мәдәният" проекты ярдәмендә эшләнгән "Artefact" кушымтасы смартфон хуҗаларына күргәзмәләр материалларын күчереп алырга һәм җайланманың камерасын төзәп, экспонатлар турында мәгълүмат алырга мөмкинлек бирә, дип хәбәр итә "Кызыл таң".

"Мәдәният" гомумдәүләт проекты 2024 елга кадәр чорга исәпләнгән һәм "Мәдәни мохит", "Иҗади кешеләр" һәм "Санлы мәдәният" федераль проектларын үз эченә ала. Проектны федераль дәрәҗәдә дә, төбәк дәрәҗәсендә дә гамәлгә ашыру максаты - 2024 елга мәдәният оешмаларына бару һәм санлы мәдәният ресурсларына мөрәҗәгать итү санын биш тапкыр арттыру.

#нацпроект #национальныйпроект