Замана балалары

Нурия улы Рәис белән Ләйләләргә килеп йөри. Моңа бигерәк тә Ләйләнең кызы Мәрьям куана. Кунаклар ишектән килеп керү белән бишәр яшьлек ике бала рәхәтләнеп уйный да башлый. Нәрсә генә уйлап чыгармый алар, өйнең бер почмагын да калдырмыйча, мебель артларына кадәр кысылышып кереп, нидер эзләп урап чыга бу икәү. Бүген дә шулай булды.

Әниләре дөнья хәлләрен сөйләшә-сөйләшә, серләшеп чәй эчеп утырган чакта, Рәис белән Мәрьям телевизор торган почмакка кысыла-кысыла кереп китте. Телевизорны егылтып төшерәләр бит болар диешеп, әни кешеләр хафага калды һәм:

–Чыгың аннан, әнә, анда тычканнар бар, – дип әйтеп, куркытмакчы булдылар.

Имеш, тегеләр бу сүзне ишетеп чәрелдәшеп, тычканнан куркып, телевизор артыннан тиз генә килеп чыгарлар дигәннәрдер инде. Замана балаларының исләре дә китмәде. Бу сүзләрдән соң шул почмакта тагын да ныграк чокына, эзләнә башладылар.

–Хәзер, без аларны тотып алабыз, – дип, Рәис белән Мәрьям тагын да шунда чокынуларын белде.

Әниләре балаларының мондый җавапларын ишетеп телсез калгандай булды. Без үскәндә, тычкан бар, дисәләр, куркудан түшәмгә кадәр сикерер идек, диеште алар аптырашып.

Миләүшә Әхмәтҗанова.

Читайте нас:

© 1930-2024, Общественно- политическая газета Бураевского района, учреждена Агентством по печати и средствам массовой информации Республики Башкортостан и ГУП РБ Издательский Дом "Республика Башкортостан"

Телефон

8(34756)2-11-81

Электрон почта

[email protected]

Адресы

Республика Башкортостан, Бураевский район, с. Бураево, ул.Вострецова, д.37

Реклама хезмәте

8(34756)2-17-36

Редакция

8(34756)2-11-81

Хезмәттәшлек

8(34756)2-13-81

Кадрлар бүлеге

8(34756)2-17-36