Янә бер проект тормышка ашырылды

“Атайсал” проекты буенча республикада башкарылган эшләр көннән-көн арта. Ул барлыкка килүдән аз вакыт үтсә дә, районның авылларын төзекләндерү өлкәсендә бик күпләрнең зур ярдәме тиде. Төбәгебезне үрнәкле, көндәлек хезмәтләре белән ныгыткан бу кешеләр белән горурланабыз. “Башкортстан Республикасы Муниципаль берәмлекләре Советы” Ассоциациясенең башкарма директоры Борис Нурисламов “Атайсал” проектына кушылып, туган Колай авылындагы буа янында янгын пирсы эшләтте. Шушы эшне башкарып чыгар өчен Борис Шәрәфгали улы иганәче буларак 90000 сум күләмендә финанс ярдәм күрсәтте.

Янгын пирсы – ул сулык ярында урнашкан һәм анда янгын сүндерү автомобильләрен урнаштыру өчен билгеләнгән корылма, ул һава торышы һәм тәүлекнең вакыты нинди булуга карамастан, теләсә кайсы мизгелдә янгыннарны сүндерү өчен су алу максаты белән төзелә. Колай авылында табигый сулык – буа бар, ә менә аңа керү өчен уңайлы юл да, янгын чыккан очракта, аннан су алу мөмкинлеге дә юк иде.

Пирс төзелеше – бик мөһим вакыйга һәм кирәкле эш. Янгыннарны сүндерү өчен су һәрвакыт кирәк һәм ул җитәрлек күләмдә булырга тиеш. Безнең авыл биләмәсендә бу корылма булуга без бик шатбыз. Хәзер янгын сагы хезмәткәрләре әлеге объекттан файдалана ала, әлбәттә, бу халыкның хәвефсезлеген тәэмин итүгә ярдәм итәчәк, – диде Каенлык авыл биләмәсе башлыгы Марат Фазлыев.

Янә бер проект тормышка ашырылды

Автор:Загина Ибатуллина

Читайте нас:

© 1930-2024, Общественно- политическая газета Бураевского района, учреждена Агентством по печати и средствам массовой информации Республики Башкортостан и ГУП РБ Издательский Дом "Республика Башкортостан"

Телефон

8(34756)2-11-81

Электрон почта

[email protected]

Адресы

Республика Башкортостан, Бураевский район, с. Бураево, ул.Вострецова, д.37

Реклама хезмәте

8(34756)2-17-36

Редакция

8(34756)2-11-81

Хезмәттәшлек

8(34756)2-13-81

Кадрлар бүлеге

8(34756)2-17-36