“Ватрушка”лар хәвеф чыганагы

Тау шуу өчен “ледянка” һәм “плюшка”лар, икенче төрле аларны “ватрушка”лар дип тә атыйлар, сәламәтлек өчен куркыныч. Уңышсызрак бәрелсәң я әйләнеп каплансаң, кул-аяк кына түгел, умыртка баганасы сынарга да күп сорамас. Ә кайберәүләр хәтта аларны машинага тагып, кеше утыртып йөрүне дә бернигә күрми. Ватрушкага утырып барган кешеләрнең машина астына керүе, маневрлар ясаганда агачка бәрелү очраклары да юк түгел. Мондый күңелсез хәлләр соңгы арада безнең районда да булды.